Çfrë është HIV / AIDS ?

AIDS është një term anglez që do të thotë Sindromë e Ngjitur e Mangësise së Imunitetit (Acquired Imuno Deficiency Sindrome). AIDS (SIDA) shkaktohet nga një virus i quajtur HIV, i cili në mënyrë të pandërprerë sulmon dhe shkatërron qelizat e sistemit imunitar të organizmit. ). Ku HIV do të thotë Virusi I Mungesës së Imunitetut Njerëzor (Human Immunodeficiency Virus). Si të gjithë viruset e tjera, Hiv nuk mund të rritet dhe të riprodhohet vetëm. Në mënyrë që të bëjë kopje të vetvetes ai duhet të infektoj qelizat e një organizmitë gjallë. Ai është një virus që shkatërron mbrojtjet e trupit kundër infeksioneve. HIV prek në mënyrë të vecantë qeliza të caktuara të bardha të gjakut, që quhen limfocite, të cilat janë të domosdoshme për mbrojtjen e trupit.


Kur trupi infektohet me HIV, antitrupat formohen kundër HIV, kjo është një shenjë e pagabueshme që virusi ndodhet në trup. Një person me HIV quhet "HIV pozitiv". Antitrupat mund të mbajnë të ulët nivelin e virusit për shumë vjet, por ato nuk mund ta vrasin dot atë pjeserisht sepse ai ngulitet në genet e qelizave të infektuara.

Kur virusi shumëzohet, qelizat e bardha të gjakut shkatërrohen. Në të njëjtën kohë, disa viruse të tjera përhapen në organet e limfës dhe sulmojnë qeliza të tjera të bardha të gjakut. Më në fund, një sasi e madhe qelizash të bardha të gjakut shkatërrohen nga infeksioni HIV. Kjo bën që trupi të humbasë një pjesë të madhe të aftësisë së tij për të mbrojtur veten kundër disa infeksioneve zakonisht të padëmshme dhe kundër tumoreve të këqija. Kjo faza e fundit e infeksionit HIV quhet SIDA (AIDS), e cila do te thotë Sindrome e Ngjitur e Mangësise së Imunitetit. Në disa raste duhet një kohe e gjatë që nga infeksioni deri në shfaqjen e simptomave tek i infektuari. Sidoqoftë, virusi po shumëzohet në trup gjatë gjithë kësaj kohe dhe ky person mund të infektojë të tjerët.

Rrugët e transmetimit të virusit HIV janë:

HIV transmetohet kryesisht gjatë aktit të marëdhënjeve seksuale të pambrojtura me një partnet të infektuar. Virusi mund të hyjë në trupin e njeriut nëpërmjet cipës mbështjellse të vaginës, vulvulës, penisit, rektumit, apo edhe gojës gjatë seksit oral të pambrojtur.

HIV mund të transmetohet edhe nëpermjet kontaktit me gjak të infektuar, si në raste transfuzionesh apo edhe dhënie gjaku me anë të shiringave të pasteriluzuara.

HIV në ditët e sotme merret në raste më të shpeshta ndërmjet përdoruesve të drogave të injektuara si rezultat i përdorimit të shiringave të pasterilizuara.

HIV mund të përcohet edhe nëpermjet transmetimit të nënës së infektuar tek femija i porsalindur. Ky transmetim i virusit mund të ndodhe kurdo, që nga periudha e shtatëzanisë e deri në lindje. Eshtë përllogaritur që diku tek 1/4 - 1/3 e femrave shtatëzëna të infektuara dhe të pamjekuara, ja kalojnë virusin fëmijeve të lindur prej tyre.
HIV gjithashte mund të transmetohet tek të porsalindurit edhe me anë të qumeshtit te gjirit të nënës së infektuar. Nqse femrat e infektuara, marrin një trajtim dhe kurim mjekesor të kontrolluar e ulin ndjeshëm mundësinë e infektimit të fëmijës së tyre me virusin vdekjeprurës.

Nga një studim i bërë kohët e fundit ka rezultuar se një dozë e vetme e një ilaci antiretroviral të quajtur Nevirapine (NVP) e dhënë një femre të infektuar me HIV gjatë procesit të lindjes dhe njew tjeter dozë të vetme foshnjes së porsalindur brenda tre ditëve të lindjes, ka ulur probalitetin e infektimit të foshnjës me virusin HIV në 2/3.

HIV nuk tranmetohet nga pështyma e një personi të infektuar me HIV nëpermjetë puthjes, mgjse nuk këshillohet një akt i tille me një person të infektuar me HIV. Cipa mbështjellse e gojës, në të njëjtën kohe mund të infektohet nga HIV.

Gjithashtu hiv nuk transmetohet nëpermjet djersës, lotëve, urinës apo edhe jashtqitjeve.

HIV nuk mund të transmetohet nga kontakti i përditshëm, si ndarja e ushqimit, e përdorimit të të njëjtit peshqir apo fjetja në të njëjtin shtrat, frekuentimi i të njëjtës pishinë, përdorimi i të njëjtit telefon apo edhe përdorimi i të njëjtës banjo për nevojat personale.

HIV gjithashtu thuhet se nuk mund të transmetohet nga pickimi i insekteve të ndryshme.